大年初三适逢情人节 蔡少芬张晋跟3子女共度

蔡少芬（Ada）原定今年一家回老公张晋老家重庆拜年，但因疫情关系，最终留守上海。Ada表示：「新年习俗会食汤圆同食团年饭，过往会畀啲囡写挥春，然后贴满屋企，不过今年有朋友送上挥春，所以冇写挥春。其实自己由细到大都会买新衫过年嘅习惯，每年都不例外，依家我哋所穿的红色衫，三个小朋友都有，仲要系同一款式，只系Size唔同。」她还自夸最拿手做团年饭菜式，却被身旁老公揶揄：「系你做㗎咩？」Ada即笑言：「哈哈，我有份叫返嚟，年年我哋都会买，唔会做，会买年糕同盆菜，好方便，唔使自己做，㷫番热啲食物已经好叻。」
今年大年初三适逢情人节，两公婆决定放弃浪漫二人世界，与家中三位「小情人」楚儿、信儿、乐儿共度热闹情人节，Ada说：「情人节唔一定要二人世界，佢哋（小朋友）都系我哋啲情人嚟！唔应该放低佢哋，而且新年大过情人节感觉，想同小朋友共度。」讲起一岁大的囝囝乐儿，Ada、张晋甜蜜表示实在太多趣事分享，「佢一听到我哋唱歌就会跳舞，最锺意转圈，佢觉得转圈就系跳紧舞，好搞笑，而且佢又好锺意玩，玩啲高难度动作，抛来抛去，依家又锺意家姐弹琴，家姐一弹琴，佢就会坐隔离帮手乱弹。」