【独家】台湾投资6位数开食肆黄美棋锺健威惨变虚拟老板

2021-03-04 23:00

黄美棋最近相隔17年再在《陀枪师姐2021》饰演「程莎莎」，原来有此机会美棋要感谢滕丽名帮口，而一直恨演戏的她，最近决定放弃主持《流行都巿》想专心拍剧。讲到跟男友锺健威（Ray）去年底在台湾各投资6位数开食肆做老板，可惜因疫情未能亲身巡铺，她更无奈指跟首任老板的Ray只是个虚拟老板。撰文：杜淑霞摄影：张咏森

美棋15岁时拍《陀枪师姐4》首演「程莎莎」，今次原来差点机会落空，「上年8月经理人同我讲有机会拍，我好开心，但后尾又话剧本调动冇咗，但冇耐又话有番，好似过山车咁，拍完时阿滕（滕丽名）同我讲番，原来佢有份提议畀监制叫我做番，我返屋企喊咗好耐，真系好多谢佢，其实呢个角色任何都可以做，亦都多谢监制听取佢嘅意见，对我意义几大。」

童星出身的美棋，坦承一直好锺意演戏，虽然被批外形局限了角色，但她认为就算再做好似今次「程莎莎」的18岁靓妹，一样唔介意。恨拍剧的她，最近更毅然放弃主持《流行都巿》，「我好锺意拍剧个满足感系好大，当你接到角色揣摩点样去演，嗰份成功感系令我再入番呢行嘅原因。」

谈到新一年目标，她自爆原来去年底第三度做老板，在台湾中山区开设港式餐厅，但因疫情关系仍未亲身去过，「我长期愿望系拍剧，新年愿望系过到台湾巡铺，起码望吓咩样，同埋试吓啲嘢食。」原来今次男友Ray都有份投资，更是首任老板，「佢𠵱家都唔知系咪畀人呃紧，哈哈！电话欺骗咁，搞到自己都唔记得有间餐厅，变咗虚拟老板。」美棋承认两人感情稳定，但疫情关系未敢谂结婚，最快要到2023年，因想圆妈咪心愿做足传统仪式，「我哥哥娶咗个日本老婆，家姐就嫁咗个澳洲老公，希望喺我身上妈咪可以满足到心愿。」