头痛5日入院检查搵唔到病因　李蕴苦呻：痛过生仔阵痛！

2021-03-05 14:00

现年29岁的李蕴（Renee）于15年下嫁内地金融才俊罗章冠后，三年抱两，育有4岁大女罗紫晞和2岁儿子罗明新。自从升呢人母，Renee便淡出娱乐圈专心相夫教子，仲不时于社交网贴出一对宝贝的合照晒幸福，不过要凑大一对仔女确实唔容易，加上现时疫情仍未受控，承受巨大压力的她近日身体都响起警号！昨晚，Renee于IG贴出一张躺在病床上的自拍，并留言：「个头剧痛咗5日，每日不定时痛大半日…果（嗰）种痛…好似孙悟空比（俾）师父念咒语咁…我每日就好似孙悟空咁…一d（啲）都无夸张…揽住个头典黎（嚟）典去…行又行唔到…不停惨叫同喊…虽然系无用…但除咗呢d（啲）我咩都做唔到…」

Renee又透露连日来不停去看诊找病因，即使吃止痛药或打止痛针都冇用，直至昨日医院终于安排了牀位给她，让她能做多些检查。无奈做完磁力共振及多项检查，暂时一切报告都显示正常，还未搞清楚头痛成因，今日将进一步进行全身检查的Renee说：「如果都系无发现问题…而我继续痛……医生话我有机会系『偏头痛』。唔系嘛，『偏头痛』可以咁痛嘅咩？？」自言昨日由下午1点痛到夜晚9点的她，苦呻痛起上来「电话都想掉咗佢」，更谓︰「而家我呢只痛我可以大胆讲，痛过生仔阵痛！」结果待晚上头痛稍为好转，Renee即出Po向网友求救，希望集思广益找出解决办法。