【头条独家】唔乱使钱行名店得个睇字 单文柔上围丰满肚凸凸行街

囡囡小猪比(Quinta)就快两岁，单文柔仲后生得30岁，有仔趁嫩生，所以明白陈展鹏点解要睇中医调理身体。日前《头条日报》记者见到陈太单文柔同锺晴去铜锣湾行街，老公搵到钱，陈太连环行咗两间名店，睇袋又拣首饰，不过时势唔好，奢侈品可免则免，陈太好乖冇入手，行完街就Call车返归，细心啲望，陈太有个肚腩仔，上围又好澎湃，系抗疫肥定有咗呢? 采访:梁志明

之前有报道话陈展鹏密谋全力追仔，所以就频频睇中医补肾，当事人话相中嘅佢冇戴口罩，应该系年几前嘅旧相，不过呢段新闻刺激到44岁嘅佢同老婆嘅造人计划，他笑说：「疫情下大家顾住身体健康，本来冇谂过生仔问题，但考虑到个女喺屋企好闷，而家会顺其自然，生仔都要趁后生，再过10年自己未必会生，怕无能力同小孩玩。」

陈太身形都几饱满

唔知系咪都打算再生，所以单文柔生完囡囡后都无刻意收身，当日佢同锺晴去铜锣湾利园食日式Pancake，之后就去睇BB家俬，随意望无话想买乜嘢，然后再去行LV，睇两女举动，应该系锺晴想买嘢，上围好丰满嘅陈太陪佢，两人系咁研究小手袋，谂咗一阵就转去Chanel，今次就睇首饰，陈太系咁睇耳环，拣拣吓仲坐咗喺度用纸巾抹眼，最后锺晴有嘢啱，前后行咗半个钟就入手，再行去莎莎，有个肚腩仔嘅陈太一入去就拣口罩，买完就Call车返归。