【唐奕聪猝逝】太极现身哀悼 雷有辉：希望继续同佢灵魂联系

太极乐队成员唐奕聪（Gary）日前（3日）疑因心脏病发猝逝，享年57岁。无綫特备节目《劲歌金曲 怀念唐奕聪》进行录影，太极乐队现役成员雷有辉（Patrick）、邓建明（Joey Tang）、刘贤德（HiFi德）、盛旦华（蛇仔）及朱翰博（Ricky）穿上素服出席，众成员坦言事出突然仍然难以释怀。
Joey Tang表示成员节目中会分享跟Gary合作30多年的点点滴滴，带给他们的感觉及帮助。问到Gary离世前的身体状况？Ricky坦言过去数年身体的确有点弱。蛇仔说：「2018年Gary曾经试过唞唔到气入咗医院，当时医院话佢个心脏弱一啲。」Joey Tang说：「Gary系一个好坚强嘅斗士，2018年后我同佢去过好多唔同地方，我见到嘅系佢每一朝都喺泳池度锻鍊自己，佢想锻鍊返自己个身体。」蛇仔透露成员们一直都有见面，最后一次见面是林建明博士的追思会，当时完全看不出有异样。HiFi德亦提到新年前有跟Gary联络，谈及到黑胶唱片的事宜，同样没有异样。

谈到难忘回忆，蛇仔说：「一定有！其实呢几日我都唔系好接受到，我脑入面全部都系佢嘅琴声。」Patrick接说：「佢嘅笑声，佢嗰种乐观嘅态度，同埋正能量。其实佢个人走咗，但都会留低咁有冲劲，好有动力嘅灵魂留住喺我哋每一个人嘅心里面。呢一样嘢系最紧要，希望大家继续同佢嘅灵魂有联系。其实佢依家喺度，唔需要咁担心咁唔开心，因为佢系一个好乐观嘅人，佢都唔想咁样。佢只不过系在高层次，唔系用肉身，佢用紧意念或者脑电波同我哋沟通。好犀利，大家都应该要接受，更加多啲联系。」

问到除了录影此节目外，有否其他纪念活动？蛇仔说：「暂时未有计划，我哋嘅心情仍然未平复。我哋嘅悼念暂时都系以自己为主先，其他嗰啲再打算。佢可能会畀到灵感我哋，唔知道会点，但暂时我哋自己围内悼念。」

Joey Tang透露Gary的身后事由其家人安排，纪念册或找其他音乐人拍摄短片他们会协助，昨晚会开会谈论如何安排。亦有很多导演、监制及音响公司主动要求帮手，现在已有人帮手统筹。问到Gary太太心情如何？Patrick说：「我今日都有搵过Gary太太，同佢讲今日我哋会上节目，问佢有啲乜嘢想同大家讲，但佢话所有嘢都留待Gary嘅安息礼再同大家讲。」