【独家】搞短片平台助艺人搵快钱　周子扬邀张致恒拍片解财困

周子扬最近投资7位数开创短视频互动平台「民间代言人SpokesPerson」，为香港的中小企业作宣传营销，同时让艺人及KOL也能接任务赚外快，「疫情关系，好多艺人唔能够商演，但商户又想卖产品，喺呢个平台只要揿个制，无论素人定明星都可以做代言。」当中，已邀请争落周身债的张致恒（Steven）加入，跟他相识多年的子扬也差点做「债主」，「仔细老婆嫩，佢压力都大，男人开到口肯定好辛苦，我都理解嘅。」采访：黎宝伦

人称「西贡地王太子爷」的周子扬过去从事地产、金融及保险工作，如今开设短视频互动平台，在公司做「打杂」，拖地买电话线等一脚踢，他澄清自己一向好贴地，「我会拮鱼旦、食茶餐厅，咁多年嚟媒体对我有好深嘅误解，又标榜我系少爷仔又花弗，其实好难受，朋友都知我好踏实、上进、唔介意付出。」几乎一日24小时都谂紧生意的他对自己要求甚高，盼业务能拓展至内地，甚至上市，「都要Step by step，希望香港人Support番呢个平台。」

救济老友
提到加入平台的张致恒近日遭贴街招追数，更传一家四口已秘密搬到石岗新居，甚至电话都停用埋，疑似走佬避债，子扬坦言对方曾问他借钱，但为免讲钱伤兄弟情而婉拒了，「一系就畀，唔好预人还，所以最后邀请佢拍短视频，再封番利是以示Support，我谂安排多啲Job畀佢更实际，上次联络佢都喺内地拍紧戏，好努力，希望佢愈来愈好。（利是封咗几多？）呢啲心意嚟。（Sell佢畀客都接受？）OK，佢知名度都高，其实每个艺人都被攻击过，佢而家都系好爸爸照顾老婆小朋友，咁有责任感嘅男人要多多支持。」并谓 Steven也乐观面对一切。