【独家】以执导新作发放正能量　赵善恒同周国贤操出男人浪漫

2021-03-07 20:00

乐队Tonick主音赵善恒（恒仔）首次独自执导的电影《一秒拳王》，邀得周国贤（Endy）与泰国男神查朗桑提纳托古（Nonkul）主演，Endy更为该片操伤髋关节又打到眼角爆缸，跟他操出「男人的浪漫」的恒仔表示整个过程一世都不会忘记，问到点报答对方？他笑道：「兄弟间讲友谊，食餐饭饮个酒罗。」采访：黎宝伦　化妆、发型：Kylah Chan Makeup and Art　场地：RisingStar Muaythai Gym

继3年前跟甄柏荣共同执导《救僵清道夫》后，两人于意大利河边许下承诺，各自制作一出电影后再合作，卒之，赵善恒独自执导的首部电影《一秒拳王》终于面世！「上次大家做自己擅长嘅岗位，今次去到后期个个部门都要跟晒，我就打番电话问佢点处理，虽然合格，冇辜负台前幕后嘅努力，但仲有好多进步空间。」事前，饰演拳击手的他又跟Endy一起进行5个月地狱式训练，恒仔笑言是一种「男人的浪漫」，「一班大男孩喺度就唔衰得，你做10吓，我就做20吓，大家互相鼓励、催谷。（虐待到Endy憎你？）唔会啩，大家都系为件事，佢都好期待呢部电影。」

谈到Endy的角色凭一秒预知能力在擂台重燃人生斗志，恒仔盼带岀以一秒改变命运的讯息，「而家世界好混乱，好多冇谂过嘅嘢都变成现实，我觉得而家嘅现实都系基于之前一秒一秒累积而嚟，将来会变成点？都系靠我哋一秒一秒努力去改变，我好相信每人都有改变将来嘅一秒，希望呢部电影畀到力量大家一齐撑落去。」不过，问到有一秒预知能力想改变甚么？他笑言：「一秒喺商业社会冇乜用，只喺运动发挥到作用。」该片将于3月11日上映。