【维港会】2岁女车厢周围跑疑遭拍片 港妈叹「要公审都无计」

有港妈在讨论区发文，指带女儿搭港铁时，她不断扭计，丈夫更表示有人拍片疑似想放上网公审，她非常头痛，于是上网发文请教其他家长，应该如何处理孩子坐车问题。

有港妈昨日在fb专页「巴打丝打13亲子育儿Facebook Club」发文，指带2岁女儿搭港铁，本来只是坐转车坐一个站，但女儿一上车便想周围跑，港妈制止后女儿不断扭计，「讲极都唔听，又氹过佢都系冇办法，次次坐车都系咁，好难搞。」她指自己已经尽量哄女儿令佢安静一点，但女儿仍然扭计。

后来丈夫竟说：「快点搞掂佢啦，好似有人拍紧片。」港妈非常无奈，「我都已经氹紧佢真系无办法，佢要拍片公审我唔识教小朋友都无计，我唔系想我小朋友咁嘈骚扰到人，我真系有尽量氹紧佢但失败。」港妈慨叹女儿每次坐车都不会坐定，向网民求救有甚么方法可以让女儿安静下来。

有网民建议妈妈不要放弃。「继续扭就唔好上车，我觉得小朋友好识试大人底线。」有妈妈同意，「一定同囡囡玩持久战。上车前，讲明要准备坐车。坐车唔可以跑，叫，但可以讲嘢。讲明一跑或叫我哋就会落车企到你冷静。如是者，可能几次之后可能有改善。」

另外也有妈妈建议，平时都要同佢玩一些坐定定的游戏，「买多啲童书陪佢睇，培养下佢坐喺度观察。平时出街都系，一扭就返屋企，返唔到都落车搵个少人位置坐低，同佢讲因为佢扭计之后嘅目的地改变咗。」

资料来源：巴打丝打13亲子育儿Facebook Club