【维港会】贱男另结新欢抛弃大肚7个月女友 女友旁徨：觉得自己好失败

发现意外怀孕时，生不生下来是母亲最艰难的抉择。近日一名19岁的女网民在讨论区指自己本来因为意外怀孕而决定与男友结婚，但是怀孕7个月时，男友突然表示爱上另一个女生要分手，令她非常旁徨。

该名网民早前于Dcard讨论区上以「有咗七个月男朋友突然之间话分手」为题发文，她表示与男友计划好年尾摆酒结婚，但男友突然向她提出分手，称「同咗第二个女仔一齐，嗰个女仔系佢锺意咗好耐」，网民当时问「咁个肚点算」，男友表示不知道，但指会负责任。

网民因为分手一事感到非常旁徨，「听人讲五个月都已经落唔到，而家完全唔知点好，唔通小朋友出世就冇咗家庭咩，就算佢肯负责任供书教学又点，咁我将来做单亲妈妈又点，我完全冇经济能力」。

网民指，当时是男友说服她留下孩子，并承诺过她「会结婚会返工养家」，而她就可以在家照顾小朋友。她无奈表示，「本来仲谂住可以有个幸福家庭，而家搞到又落唔到仔又好抑郁咁大住肚」。

她续指，因为自己只有19岁，本来已经因为怀孕而与家人吵架，更因此搬到男友的家，现时不知道去那里住，谓「觉得自己人生好失败」。

帖文引起网民关注，不少人都大骂楼主男友的行为，认为他「好冇责任感...」，又有人斥其男友及新欢「咁样都做得出」。

有人则建议楼主「搵母亲的抉择帮手，佢哋会帮到你，搵地方落脚先，之后再谂小朋友点」、「你可以同屋企人再商量下，唔掂嘅就真系去搵机构帮手，唔需要觉得你系害咗个仔，你依家可以慢慢再谂清楚你会点样看待你个B，调整返自己嘅心态」。

另外，亦有人认为「其实你自己本身都冇做母亲既觉悟，只系希望另一半包你食宿比钱养大个小朋友，感觉好似为满足自己想组织家庭、留住另一半而有小朋友」。

资料来源：Dcard