对感情冇渴望冇寄望　蔡一杰以欧铠淳为择偶条件

蔡一杰（杰仔）为阮小仪主持的香港开电视节目《小仪与13型男》担任最后一集嘉宾，有幸与偶像的小仪表现亢奋，她说：「幻想会成为另一半嘅人，真系只有草蜢里嘅蔡一杰，因为感觉好近，年纪上唔会差好远，同佢好亲近。」并谓心目中的杰仔是一个凡事追求完美，要求很高的人，若然另一半是「完美型」，小仪坦言必定好大压力，但也尽量配合所爱的人，做到双方都开心。

被问到渴望哪种感情生活？杰仔说：「冇渴望、冇寄望，总之尽量享受生命，感情生活有与冇系唔重要，最好有，不过冇亦无妨。（咩人会吸引到你？）健康型，锺意女仔膊头好横，好似欧铠淳，膊头又横、又够高、样子又甜美、脚又长。」

节目中，小仪又亲手制作戒指送给杰仔，令对方开心到忍唔住锡了她脸珠一啖，搞到小仪晕晒大浪。小仪透露，过往亦试过一次获男友送赠戒指，她说：「有次行过街，见到只戒指几特别，对方买咗送畀我，得一个男友送过戒指畀我，对我嚟讲，收戒指系一个认定嘅动作。」

《小仪与13型男》即将圆满结束，经历过跟13位不同类型男士约会，小仪有不同体会，她表示：「由始至终，到而家都追求爱情，而家追求系平实啲嘅爱情。我而家仲未结婚，世俗眼光会话我嫁唔去、冇人要，但我唔系咁睇，反而会愈来愈欣赏自己呢个年纪，喺40几岁开始，就已经有呢种感觉。每一年都会欣赏自己嗰个岁数，因为代表有所成长，我嗰一年所吸收到嘅嘢，都可以畀到对方。」小仪相信自己将来的男友，会幸福过她以前的男友。