【首交代廖启智病况】去年12月确诊胃癌 陈敏儿吁朋友勿致电问候打扰休养

廖启智（智叔）传出去年患上胃癌更一度病危，最后全靠意志力捱过呢一关。病情稳定后现于私家病房休养，而太太陈敏儿则一直在身边悉心照顾。智叔所属娱乐公司昨晚亦发出声明证实智叔目前已停工并全面休养中，盼外界给予尊重及空间。

今日下午约1时10分，智叔太太陈敏儿抵达医院私家病房，在场数十传媒即时上前拍照及采访。陈敏儿即主动停下来交代智叔最新情况，她说：「智叔一直都有跑步，旧年因为疫情冇乜嘢做，佢全年都有跑步体能好好。但去到旧年12月中嘅时候，开始觉得食嘢嘅时候个胃胀住，去做检查，确诊咗系胃癌。跟住入院做治疗，好感恩我哋遇到好好嘅医生，好悉心照顾，同智叔好夹，我哋好感恩。医生都话智叔系一个A+病人，因为佢真系好合作，医生叫佢做啲乜嘢佢都好配合。」她提到智叔有时候个胃唔舒服，但医生提醒他正在打仗需要营养，因此智叔将一日三餐当成责任，努力完成每一餐。她笑说：「大家都知道智叔做戏好专业好投入，原来做病人都一样咁专业，我睇到佢好识得去帮自己渡过好多挑战同困难嘅病人，我心底里都好佩服佢。医生话我同埋囝囝作为家人都系A+，大家好冷静，亦好配合医生同病人嘅需要。」

另外，陈敏儿特别提到智叔近两日的确有点疲累，因他患病的消息已传开，接受不少电话慰问及访问。她说：「有啲分心，比较疲倦。我都好想讲，用返智叔嘅说话：『好多谢大家嘅关心，但太多关心同问候，对于佢嚟讲，对于家属嚟讲系一个负担，收到晒大家嘅关心。』所以大家系锡智叔嘅话，可以遥送祝福畀佢就得喇！我嘅交代亦差唔多，希望大家都唔好再打电话畀我，我谂我都唔会接电话，佢都唔会接电话，因为医生都唔赞成，咁样会影响佢养病。希望大家都合作。」



陈敏儿约于下午2时30日离开私家病房，神情轻松的她透露智叔面色不错。她提到政府医院私家病房只容许探病1小时，但已觉得相当不错，非常感恩。有记者问智叔胃癌属第几期？她说：「唉⋯ 唔好问呢啲嘢，我已经交代晒详情。」她再次感激传媒关心，重申朋友们不要致电，让智叔好好休息。