【独家】愈「宅」愈瘦冇晒身材　泳儿扫乌冬薯片谷肥自己

个个都因为Stay home抗疫肥，唯独疫情下令工作大受打击的泳儿，虽然成日匿喺屋企玩煮饭仔，但却愈「宅」愈瘦，早前仲自爆瘦到要改衫！以为私下佢一定食得好少又好清淡，日前《头条日报》记者于铜锣湾撞到泳儿，当日佢同友人买完蛋糕又去超市买乌冬，临走前仲扫咗几包松露薯片，睇嚟佢增肥意欲都几强。采访：梁志明

当日晚上约7时，泳儿与女友人现身希慎广场地下睇护肤品，惜两人兜咗一圈都冇嘢拣啱，随后直接到底层MARKET PLACE买嘢食。其间，友人在雪柜挑选冷藏食品时，泳儿都好贴心，一路手脚并用帮对方顶住度门；及后去睇面食，她与友人各自拎一包上手研究，最终望咗半分钟．泳儿先擸走一包$12.9的赞岐乌冬，认真精打细算。

薯片都几贵
畀完钱后，本身已抽住一袋CACAO SAMPAKA蛋糕的泳儿好为食，与友人会合另一男性好友后，便一齐到上层买$69一包的新加坡顶级纯手工松露薯片。最后，满载而归的他们返回地面，男友人饮完嘢翘埋双手企一边，两位女士就在旁忙着揿手机App Call车，大概等了10分钟，众人便登上座驾离开。