【独家】恨同囝囝一齐跑马拉松陈山聪有意追多个小情人

2021-03-30 23:00

陈山聪最近主演以跑马拉松为主题的剧集《大步走》，他觉得对热爱跑步的他来说，作品绝对是个好好纪念作。剧中他首次饰演爸爸，跟演其女儿的刘颖镟更加是相当有缘。他又坦承去年太太Apple为他诞下囝囝陈霆轩（Jaco）后，最恨跟囝囝一齐跑马拉松，他更有意追多个小情人。撰文：杜淑霞摄影：谭壹致发型：Seiko@Hair Culture 服装：adidas Hong Kong

山聪第一次演爸爸机会给了刘颖镟，还觉得两人好有缘，「我哋由《唐人街》开始，佢做我表妹，到呢套做埋我个女，我仲同阿女佢讲，好大机会下一套做埋我女朋友，果然之后几个月监制Jazz（文伟鸿）就搵我哋喺《超能使者》做一pair，你话我哋系咪有缘。」

由口痕跟同样热爱跑步的监制黄伟声提议以此为题拍剧，到现在成事，山聪觉得好感恩，「一个艺人嘅兴趣变成生活习惯，再变成一套电视剧，系一个好难得嘅事，呢个真系好感恩，好多谢声哥畀咗个好好机会我，系一个纪念作。」他坦承跑步绝对影响了他一生，「跑步影响咗我嘅人生、性格、方向，连带好多嘢令陈山聪𠵱家成为个好正能量嘅人。」既然跑步带给山聪好多好处，当然希望囝囝也热爱这运动，「跑步对我有好深意义，所以我好想有一日可以同阿仔一齐跑，呢个系心愿嚟，到时应该好开心。」

自爆冧仔成狂的山聪，坦承有意追多个小情人，「最近真系有呢个念头，因为我自己都有好多兄弟姐妹，我同哥哥感情好深。第二时阿仔返到屋企都系得自己一个，谂到佢大个想搵个人倾诉，可以好似我咁有难题打畀哥哥，我哋将来百年归老点呢？！有个人商量好啲，但我老婆就话你得一想二，我哋初初系冇谂住生，但外甥女芯芯出现令我觉得ready做爸爸。（想生女？）呢个系我最想，我生咗个女唔代表我唔锡Jaco，但顺其自然啦！睇老婆意思先，佢𠵱家仲啱啱康复中，等佢调理好先再谂。」