朱茵劲辣蛋糕贺老公57岁生日 黄贯中：佢畀咩我都要食

黄贯中（Paul）今日（31/3）57岁的正日生辰，老婆朱茵趁机为寿星制造「火辣」惊喜，亲自炮制Wasabi蛋糕整蛊老公！在实行整人计划当日，朱茵率先抵达Paul的画室，准备好各种食材。她首先在忌廉蛋糕上涂了不少山葵酱及芥末酱，再用草莓、芒果等水果作「掩护」，务求要Paul一试难忘，辣到飞起！

当寿星Paul到场后，朱茵先用双手蒙住对方双眼，待Paul睁开眼看到「其貌不扬」的整人蛋糕后哭笑不得，不过得知是老婆亲自为他炮制的蛋糕，Paul唯有硬著头皮试食。当他吃到Wasabi后立即「揦埋口面」，更辣到标眼泪，并高呼：「哗！辣嘅？系咪整蛊我㗎？不过整蛊唔到我，因为我觉得几好食喎！」奸计得逞的朱茵在旁一直偷笑，怎料Paul也要喂老婆吃一口Wasabi蛋糕，实行分甘同味！朱茵当然不忍心只恶搞老公，最后送上真正早准备好的生日蛋糕，为Paul送上生日歌及香吻。

事后问到Paul被整的感受时，他笑说：「其实老婆畀咩我都要食㗎啦，但食完两个蛋糕后，我真系觉得有Wasabi嗰个好味啲，有食紧鱼生嘅感觉，芒果就好似吞拿鱼嘅口感。」不过今次朱茵炮制的加料蛋糕，令Paul忆起不少老婆的地狱料理：「最恐怖系佢认真下厨嘅时候，仲大镬过有心整蛊！我记得有次佢用微波炉蒸鱼，条鱼用保鲜纸包实，叮完出嚟成条鱼掹到实一实，仲要唔系好熟咁，总之见到都惊。」朱茵立即为自己平反，笑言：「我记得嗰时系识咗冇几耐，呢个系畀佢嘅测试嚟，我要睇佢咩反应，哈哈。」

提到以往的生日惊喜，Paul表示最难忘是朱茵瞒住他相约了一班兄弟好友，为他举办惊喜派对。数到最浪漫一次，他说：「我记得有次我哋系海滩交换礼物，懒系浪漫咁，虽然系好老土，但往往最开心就系呢啲老土嘢。」