陈自瑶强调台庆夜冇黑面　 方力申北上开工从未遇女星敲门

陈自瑶（Yoyo）、方力申（小方）和冯盈盈为节目《Master's Talk师父有请》担任嘉宾，谈到艺人命格有是非才会红，小方笑指Yoyo一定会爆红，事关她在《万千星辉颁奖典礼2020》中的「黑面」表情被疯狂洗版，更登上网上热搜全国Top 10，他说：「有钱都买唔到呢个位，我仲收到风，佢啲粉丝上升几十万。」Yoyo闻言即傻笑说：「我澄清先，大家唔好笑住，我冇黑面，你拎番张相出嚟睇，我系冇黑面呀！当下个表达系冇乜表情，比较淡然，我冇黑，块面仲有『令』嘅。表情系淡然冇黑面亦冇不悦，但人哋解读好多嘢。」并谓没料到一、两秒便成为话题，获网民封「最佳视后」的她续道：「多谢大家，我终于成为视后。」

节目中，主持麦玲玲又列出小方历年的绯闻女友，包括锺欣潼、周励淇、胡心诺、傅颖、周秀娜、何超莲等，曾合拍《大细心》MV的Yoyo也包括在内，两位当事人即发誓从没拍过拖，又澄清自2006年拍毕MV后几乎没见过面。有传胡心诺曾向小方「抄牌」不果，小方坦承不经常与圈中女性交换联络，他说：「大家都知我有拍过10年嘅拖，人人问我对爱情点保鲜，就系双方远离各方面引诱，世界有好多引诱……」语毕盈盈和Yoyo即时尖叫，大赞小方是绝种好男人，小方称：「虽然不值得骄傲，但我在内地工作多年，从来没遇过女演员敲门。」

至于入行至今是非不断的盈盈，也不解自己为何如此惹负面新闻，她说：「其中一个月唔更新社交平台同唔出街，点知地球继续转、继续有新闻，我每日会搜寻自己个名10次，好似开六合彩咁睇吓今日开咩话题先。同朋友正常社交啫，我都唔明，人食饭我食饭，间餐厅咁大，硬系有啲咁八卦人周围乱咁偷拍，报料人有钱收，最嬲系我冇份收，佢哋收万几蚊分分钟贵过我一集骚钱。」