【独家】教长者演戏虽攰仍值得 陈桂芬开心助搵到「第二春」

陈桂芬（Brenda）最近在ViuTV剧集《无限斜栋有限公司》饰演沈殷怡（Shirley）妈妈「赵太」，虽然都是妈妈角色，但因今次会尝试多个造型而䚁开心好玩，而且她认为跟年青演员合作更有新鲜感。讲到19年开始开专业课程教授长者演戏，她坦言虽然有点攰，但看到他们搵到「第二春」相当值得。撰文：杜淑霞 摄影：张咏森

Brenda虽然认为电影电视不及舞台角色多姿多彩，但在《无限斜栋》再演阿妈，一样好有发挥，「做阿妈都有好多种，今次拍得好开心，因为系个不同类型嘅阿妈，呢个阿妈系傻吓傻吓，我为咗修补同个女关系，而个女又系电影痴，所以扮好多电影造型，譬如：《德州电锯杀人王》同《闪灵》嗰啲经典角色，虽然做人阿妈，但有咁多变化嘅话，对我系奖赏嚟。」



对于跟沈殷怡、陈卓贤、卢慧敏和黄定谦等年青演员合作，Brenda大赞他们，「佢哋都好虚心学习，休息时大家有倾吓，佢哋问我做咗几多年戏，我话30几年，入行佢哋都未出世，哈哈！我好锺意同佢哋合作，有时有经验觉得好厌闷，因为会有职业病，有套方法规矩去做，但佢哋用好直接反应去做，反而最好睇，我都成日提自己『切忌做戏』，外国有一套体系『No acting is good acting』，已经表演咗，唔系真正呈现嗰种生活状态。譬如我同Shirley有啲感情戏，我望佢状态我先会喊，我喊又影响咗佢喊，大家互相交流系感情嘅流动。」

不要歧视你年长


Brenda在12年成立剧团「Arts Options」，19年与领展「爱・汇聚计划」合作「长・智・戏」长者戏剧艺术启导计划，为55岁或以上长者提供专业并具持续性的戏剧艺术培训课程，发挥长者潜能。原来Brenda受14年看到日本剧场界国宝级大师蜷川幸雄执导的舞台剧《乌鸦，我们上弹吧！》所启发，「嗰时系康文署邀约海外团体嚟香港演出，我睇呢个剧好似艺术品咁上台，演员平均年龄有成70岁，最大嘅有90岁，但佢哋照做专业舞台演员嘅嘢，睇完好震憾。跟住我去思考，香港啲长者成日参加社区活动，但都系纯粹消闲，冇一个专业培训，到19年领展听完我哋构思，觉得好啱佢哋资助理念。」



由于课程打正专业旗号，课程总监设计了100小时课程，在160个素人中挑选了40人参加课程，平均年龄69岁，最老有90岁，但排练时确实遇上不少困难，除了受疫情影响外，还因长者本身问题，「佢哋排练时会成日用个『老』嚟做挡箭牌，唔敢冒险，譬如话『我记唔到台词，阿爸有老人痴呆，我怀疑我都有』，我排练堂金句系『不要歧视你年长』因为佢哋成日话唔得，好似斩晒自己手手脚脚咁，冇试过突破自己。」幸好一班长者最终都能突破自己，令作为导师的Brenda好大感受，「教佢哋系有啲攰㗎！但我好开心见到老人家嘅转变，第一年见佢哋有老态，𠵱家醒晒全部后生晒，好开心佢哋退休后展开『第二春』，为兴趣出发变成专业，再成立自己剧团。」