【独家】单身多时公开择偶条件陈滢自认醋埕难跟圈中人拍拖

2021-04-20 18:28

陈滢最近在剧集《爱美丽狂想曲》饰演男人婆「李小勇」，她承认拍摄令自己麻甩一面放大了10倍，她更自爆早前拍《Tiger's
Talk》主动逗方力申，也是受角色大胆表现影响。她自言拍过4次拖，而16年跟何猷亨分手后一直单身，强调希望下任男友会是未来丈夫，所以会小心开始，更公开择偶条件，但自认是醋埕难跟圈中人发展。撰文：杜淑霞摄影：谭壹致发型：Larry Ho@aveda ilcolpo 化妆：Vanessa Wong 场地：六公馆

陈滢认为「李小勇」是她演过最似自己的角色，「将陈滢本身有嘅嘢乘咗10，演完后愈嚟愈似『李小勇』，我好记得有次同我班姐妹食饭，赖慰玲突然间话『陈滢你搞咩？讲嘢又粗鲁又讲粗口！』」佢咁讲我突然叮一叮，我演完之后，乐小姐、两个经理人、屋企人、朋友都叫我唔好咁麻甩，始终系女仔嘛！」

讲到跟小方的绯闻，陈滢再三强调只属好朋友，《Tiger's Talk》访问表现都怪「李小勇」影响，「点解令到人哋误会我同佢有嘢，首先怪责我啦！我喺个访问上玩得太过火，我会怪『李小勇』个角色，演完变咗好麻甩好大胆，完全唔顾面子，我就系用咗呢个态度去做访问，拍完之后，伍姑娘（伍咏薇）都话『哗！阿滢你好犀利！』我真系怪『李小勇』，演到直情入咗骨，做完嗰个访问知衰啦！系时候抽离啦！（小方误会？）咁又唔会，我哋真系好friend。」

陈滢坦承跟何猷亨分手后一直单身，对于屡传收兵也觉无奈，「人哋成日话你好多兵，好多人追你，真系唔系，讲极冇人信，讲真如果我有拍拖，你哋点会咁多年冇影到，我拍拖唔会收收埋埋，我系好enjoy出街拖手同食饭。」至于择偶条件，她竟怕呷醋唔拣圈中人，「先决条件个男仔要family man，理想对象好似阿Mo（陈豪）；外型唔好太瘦就得，因我本身大只；性格要稳定啲，唔好太过飘忽。圈中人我唔抗拒，但我应付唔到，同埋我好容易呷醋，如果男朋友like人哋啲相，会问『做咩like佢啲相』，如果佢畀到合理解释就算，呢啲我好敏感，所以圈中人我未必得。」