【好伤心】音乐会前夕爱犬突然离世刘威煌：Jumbo会守护住我

2021-04-27 09:00

昨晚刘威煌为本周五晚假旺角麦花臣场馆举行一场嘅《Rebirth音乐会》彩排，他说开骚在即忙着分配门票，冇时间紧张。不过，威煌最开心见疫情缓和，政府由原先5成入座率放宽至7成半：「其实我喺半年前系预咗100%入场率咁就唔使蚀钱，若得5成要倒贴，虽然乐手都有人工出，但唔会市场价。𠵱家放宽至7成半咪大家开心罗。」问他会否加场?他坦言不敢搏，一场已经好满足，做人不要太贪心，如果加开一埸得3成入座率会好冷清。今次他为音乐会刻意减去20多磅，笑言得返排骨，唔打算骚肌。

另外，陪伴他8年嘅爱犬Jumbo最近突然离世，他哀伤说心情一定有影响：「大家好锺意Jumbo，原本Jumbo会系音乐会嘅嘉宾，𠵱家惟有喺音乐会当晚唱歌送畀佢。他无奈说：「一个月前同佢做咗全身检查，医生仲话Jumbo健康到爆，所以突然离开真系接受唔到，当日家佣发现Jumbo暴毙后，我抱起Jumbo已经冇咗心跳。」追问Jumbo嘅死因?他表示没有解剖，故唔知道。目前他要做好个骚，因为台前幕后有百几人，唔可以太自私：「希望Jumbo会守护住我。」