【独家】屋企收唔到翡翠台讯号只睇Netflix 田蕊妮演舞台剧《圣荷西》圆心愿

田蕊妮（阿田）去年离开TVB后重获自由，唔使日日以电视城为家，阿田形容𠵱家状态轻松咗，可以接喜欢嘅Job，而她最期待系即将上演嘅舞台剧《圣荷西谋杀案》。当问到有冇睇返TVB剧集时？她大笑避谈：「好得意，真系唔知点解屋企系收唔到翡翠台讯号！」在旁的潘灿良打圆场附和：「我同你一样，只睇到J2台！」采访：方骞平 摄影：张咏森 化妆：Meegan Seak（田蕊妮）、LUMAKEUP.ME（潘灿良）发型：Ritz Lam @ Leonardo 3 Hair Corner、Ray Mork @ AdmiX Hair Styling（潘灿良）服装：HARRISON WONG 场地：香港朗廷酒店

舞台剧《圣荷西谋杀案》将于4月30日起喺演艺学院上演13场，可以同偶像潘灿良、喜欢嘅编剧庄梅岩、监制朱仲铭及导演甄咏蓓合作，阿田兴奋到yeah咗出嚟，但喺疫市下开舞台剧遇上好多阻滞，心情如同坐过山车咁，既惊又喜，有失望过，好怕完唔到心愿：「有晚甚至约埋剧组打边炉，谂住开心咁『道别』就算，期间我好唔甘心讲咗句：『我觉得呢个角色(Ling)根本就系我，好想成件事玩到出嚟！』因而感动到在场人。

问回巢TVB即大笑
舞台剧同郑秀文、蔡卓妍主演嘅电影版好唔同，比较忠于原著版本，所以演员异口同声话唔怕观众会有比较。阿田透露好彩有「定心丸」潘灿良，因为她有舞台剧阴影：「因为2005年同黄凯芹演过音乐剧《白蛇．青蛇》，佢作为投资者有啲矛盾，好想将民间传说加入喜感，加上当年我好young，对演戏冇乜信心，自此唔敢再演。」另外，离开电视界别嘅阿田已冇乜睇电视，最多系睇Netflix，屋企部电视机变成装饰品。随住曾志伟做咗高层，TVB成个玩法唔同晒，问她会否考虑回巢？她即鬼马大笑：「不如问返志伟会唔会考虑返我啦！」