带埋家人去海南岛做商演 陈晓东畀个女吓亲又笑死
2021-04-30 16:00 
45岁的陈晓东今晚会喺位于海南岛嘅海花岛做商演，因为属渡假区，所以东东一家四口前日已到达玩几日先开工，不过一到埗就见血，囡囡唔着拖鞋周围跑搞到脚趾尾受伤流晒血，老窦要即刻孭个女去医院打破伤风针，好彩只系皮外伤唔使缝针，东东仲识讲笑，话孭女嘅感觉好狼狈，仲话觉得好似见到老咗嘅自己，最后佢谂起细个嗰阵跌穿头佢阿妈都系咁孭住佢喺街上抢车。
小朋友复原得好快，虽然只得一只脚可以落水，但都无阻囡囡玩水，东东同另一无受伤囡囡喺渡假屋嘅私人泳池着晒水泡浸水，受伤囡囡都唔寂寞，同爸爸玩洗头，见东东成头泡好好笑，囡囡都玩到狂笑，画面都几有趣。玩咗三日，今日终于要开工，东东Po咗彩排相话今晚见，Hashtag系海花岛第一猛男，唔系讲佢自己卦?
關鍵字
最新回应