【独家】余洁滢想同廖子妤玩SheShe恋　徐頴堃拍网剧身兼三职

徐少强和雪梨所生的女儿徐頴堃（Erica）首次为网剧《我在CoverDog的日子》担任编剧、副导演及PA，并邀得同门余洁滢（Zoe）演出「恶经理」一角。常说喜剧最考演技，CoverDog一班初哥却越级挑战，Erica说：「我觉得疫情下写啲得意、开心嘢，大家喺屋企都会睇得开心，成个团队亦好有心做好件事，多谢 Zoe姐，令件事更好睇。」为Erica献出喜剧第一次的Zoe演上瘾，更盼开第二季与好友廖子妤演SheShe。采访：黎宝伦　服务：iBLUES　场地：CoverDog Production Ltd

面对一班「骑呢」下属，剧中要经常打人的余洁滢说：「之前都做过恶嘅角色，但喜剧系另一个节奏，自己都系试吓，最难系忍笑，好辛苦。（私下搞笑？）正经多，虽然我天马行空，但绝对唔系一个搞笑嘅人，平时比较Cool，对住识好耐嘅人先会讲多啲嘢、搞烂Gag，啲人就会劝我唔好再讲嘢，哈哈。（演番自己？）系，但再恶啲，我平时唔会打人。」Erica表示：「Zoe本身好斯文，只系觉得如果有个反差，一个靓女嚟返工，突然郁手打人，我觉得几得意。」

同好友锡锡冇问题
问为何不参与一角？Erica笑称冇谂到，「可能第二季摆自己落去，但好似好奇怪、好Hard Sell咁，同埋幕后又少一个人！其实度剧本时向导演即兴演一次都满足咗我嘅戏瘾。」虽然身兼三职甚辛苦，但她认为今次经验能助自己演戏，更全力支持开拍《我》剧第二季。那么下次想跟谁合作？Zoe说︰「我好想同廖子妤合作，佢同CoverDog都Jam过，佢喺度应该好好玩。（演SheShe？）好喎。」仲话Kiss冇问题，因为Friend更加唔尴尬。