又开迷之直播4000人捧场 洼冢洋介清酒沟威士忌醉爆狂笑

41岁的日本型男演员洼冢洋介近年影视作品唔多，但因为潮人身份，所以深受时装品牌欢迎，曝光率唔差，拍住17岁大仔洼冢爱流更长霸Fashion杂志版面。洼冢入行26年，04年曾经从9楼跌落街大难不死，近年佢久不久就会喺IG开直播，每次都饮到醉晒，试过醉到瞓着但冇停直播，搞到第二朝大仔发现先至结束。

寻晚洼冢又开Live，都话佢从来唔会令Fans失望，冇错，佢又饮醉，今次仲要系红酒沟清酒沟威士忌，死得，见佢又笑又跳舞又做好多古怪表情又系咁食烟，都知佢清醒程度系零，佢话好开心，系咁笑系咁笑系咁笑，有近4000网友睇佢笑都真系几好笑。