【Kelly Online】 横扫国际网赛壮年组　吴光正封双料冠军

前九龙仓集团主席吴光正形象健康、正面。Kelly知道呢位成功嘅商人退休之后，热爱各类运动，例如网球、游水、滑雪同埋潜水等等。佢最近仲参加咗一个国际网球赛事，勇夺七十岁或以上组别嘅单打同双打冠军，认真犀利！
　　
七十四岁嘅吴光正最近参加由香港元老网球总会和香港网球总会合办嘅「香港国际超壮年网球公开赛2021」，喺七十岁或以上男子组别中，勇夺单打及双打冠军，分别获颁一个奖座同埋二百蚊美金。小妹知道吴光正对于获奖感到好兴奋，而且佢每年都会参加唔同运动比赛，希望鼓励更多长者勤做运动，保持健康嘅体魄。

吴光正喺一五年辞任九仓集团董事局主席嘅职务，退休之后有更多时间专注做运动，小妹都好佩服佢嘅毅力！