【Juicy叮】输十几万烂赌父滥药昏迷送院揭欠贷款 港女吓到急代还

沉迷赌博随时可导致家破人亡，有网民在网上讨论区发文，指父亲滥药在家昏迷被发现后送院，之后揭发他借了财务公司高息贷款去赌外围，吓得她四处张罗，终于为父亲还了5万多元的赌债，并警戒其他过来人。

这位「亲子王国」网民发文指，她父亲4日前，因为在家无所事事睡不着再次滥服安眠药，「在家呕白泡，跟住晕低，好彩我妈已退休无返工，在家中，可以及时call白车，呢啲事情，一年内发生三次，所以我哋都有哂经验」。

更惊吓的不止如此，「最令我晴天霹雳嘅就系我摷我老窦柜桶，竟然畀我发现佢借咗财仔」。爸爸借5万元分36期还,利息49000元,连本带利9万多元，每一期还2600多元，「佢根本就冇能力偿还，佢都冇收入，条数都系我背上身㗎,我会一次过还咗佢先，因为我无呢方面的经验，我唔系好识计条数」。她于是向网民求助。

她大叹，「我老窦烂赌呀，赌外围啊衰到咁呀啲人，佢自己嗰10几万积蓄，喺马会嗰度已经输晒啦，跟住无钱咪学人赌外围，搏咸鱼翻生呀嘛。」她指，「我又好惊佢迟吓借黑财，因为佢呢个人好蠢嘅，佢就系喺网上面嗰啲WhatsApp群组成日add人哋入组嘅呢，就系咁样俾人哋昆咗入局去到外围啊」。她担心，「我唔知我老窦喺出边仲有冇争街数...同埋我最惊佢继续有第二次第三次...我宁愿佢争我钱，起码我唔会逼死佢呀嘛，佢争出边钱，人哋真系会劈瓜佢㗎」

网民昨日再更新情况，指已经还了钱，一共是50,910元，「头先我亦都同我阿妈讲咗，如果佢有第二次嘅，我做女嘅会同佢断绝关系，我唔会理佢，你要撑佢嘅你就自己撑啦」，「因为我老窦，有个烂鬼菜档租咗畀人嘅，就收租$5000。咁我就同阿妈讲，叫佢以后个租客直接过户畀我，跟住然后我再分发返零用钱畀佢洗，总之就要佢负返个责任啦」。


不少网民都表达同情，「希望你爸爸体谅你同屋企人，早日戒赌。」有人提醒「外围好多时会氹人笃手指，到条数有翻咁上下就连本加利追，到时就麻烦啦，所以真系要留意多啲」；也有人认为「破产咪得罗！做乜要帮佢还？」、「你帮佢还完下次又再借咁会唔会没完没了」、「正正因为佢系你老窦，更不能帮佢孭赌债。孭咗第一次，就无完结一日。而且只会越借越多，直至你全家都孭唔起。你去搵戒赌中心倾吓先啦。」


帖文转载自《我真系好晴天霹雳》