撇甩暗黑风格玩清纯　韩韶禧Sweet爆化身「校园女神」

26岁韩国女星韩韶禧主演的新剧《无法抗拒的他》后日见街，所以频频亮相各大媒体宣传，近日她就为韩国杂志影了一辑靓相。韩韶禧最近嘅角色都比较黑暗，例如《夫妻的世界》饰演第三者角色，又或者好似《无》剧角色咁，背后有啲故事，比较少见到佢清纯一面。不过，今辑相韩韶禧一脱「暗黑」风格，换上多个青春甜美造型，完全系「校园女神」呀！相中，佢拎住两粒车厘子嘟嘴，够晒青春可爱；另一张又坐喺Locker前面，啲书散满一地，即刻好想帮女神执番啲书扮邂逅！