冒炎热天气郊外拍广告 Gin Lee为同猫猫培养感情喂蚊都制

2021-06-24 00:00

延续时装品牌的上辑广告，作为专业猫奴的李幸倪（Gin Lee）今次亲亲大自然到郊外与猫咪齐齐拍摄。Gin笑指猫猫令她甘心走出冷气房：「早前因为疫情，天气又好热，好多工作都变咗厂景。但今次系延续上辑广告，透过跟住猫咪嘅足迹，发现爱护大自然嘅重要，有意义又有故事性，拍外景我都绝对唔介意！」

Gin育有爱猫「杏仁糊」，之前又以歌曲《开灯。熄灯（熄灯版）》纪念去年4月离世的猫猫「芝麻糊」，拍摄时她与小猫Model同样好合拍。休息期间，猫猫更躺在她身上睡着，令她动弹不得。Gin冧爆表示：「可能小猫见我化妆坐喺度唔郁，就跳上嚟休息吓。呢个系培养感情嘅方法，梗系唔可以赶走佢啦！我哋喺户外拍摄，好多蚊出嚟『搵食』，我怕太大动作会吓亲猫猫，所以俾蚊咬到皮肤又红又肿，不过只要猫咪舒服就值得。」