【Juicy叮】小五女儿「见红」遭港妈带诊所检查：肯定做埋唔三唔四嘅嘢

一名诊所助护于Facebook专页分享指，一名港妈早前带同女儿前来看医生时，称发现其小五女儿「见红」，质疑她乱搞男女关系，更在大庭广众怒骂，「我哋旧时边有咁细个就嚟m㗎？实系佢做埋啲唔三唔四嘅嘢」，事件引起网民的热论。

该名网民于Facebook专页「诊所低能奇观」发文分享指，日前有一名港妈带一位穿著校服的女儿到诊所求诊，一进门就气冲冲走到登记处，「嗌医生同我check吓佢系咪做埋啲唔三唔四嘅嘢！」。楼主感困惑，于是问需为女儿检查甚么，港妈回答，「佢嗰度见红呀，仲可以check啲咩呀？」、「梗系睇吓佢系咪做咗嗰啲嘢啦」！

该名港妈随即质问女儿，「你好讲系同边个做啦下！你唔讲我都会捉到佢㗎！」女儿否认港妈的质疑，惟港妈反驳指，「你当我冇做过女仔呀？你阿妈我都系女仔嚟㗎」。楼主见状立即劝喻港妈先冷静，并提醒或因月经来潮，未料港妈竟大声怒喝，「小学五年班月咩经呀？我未嚟过呀？」。女儿闻言感委屈，楼主亦帮忙解释指，现时小朋友普遍早熟，小学便来月经并非新奇事，应待医生检查后才下决定，港妈仍坚持己见，「check真啲呀！我哋旧时边有咁细个就嚟m㗎？实系佢做埋啲唔三唔四嘅嘢，我一定会拧甩你个头㗎！」。

及后两母女在见完医生后，最终证实女儿因月经来潮而「见红」，港妈踏出诊症室便轻声问道，「既然冇咩嘢系咪唔驶俾钱可以走啦？」，楼主亦立刻解释，医生已诊症需要收诊金，妈妈却按捺不住，「姑娘，可唔可以快啲呀，我喺度多一秒都觉得好难受呀」。楼主最后按捺不住，抱不平指，「可能你个女仲难受」。

帖文引起网民的热论，不少网民纷纷批该名港妈无常识，「10岁已可开始青春期，有月经有乜出奇？」、「而家啲食物令小朋友早熟有乜咁稀奇？这个阿妈太不合格」，亦有网市民心痛女童，「戥小妹妹惨」、「最难受应该系个女，大庭广众咁闹法，喺屋企肯定讲得更难听」、「宁愿觉得个女五年级就献出初夜，都唔愿意相信早熟嚟M」。

资料来源：诊所低能奇观