黄德斌要求清场跳舞 Edan认叻表现好过Anson Lo

ViuTV《大叔的爱》众演员黄德斌、吕爵安（Edan）、卢瀚霆（Anson Lo）、邱士缙（Stanley）、简慕华、陈子丰、练美娟等人早前齐集，为剧集拍摄片头主题曲，众人专程排舞盼突围而出。黄德斌于片场不时叹气，更赶完成的演员离开，场面搞笑：「叫佢哋快啲走，唔好搞我啦，因为好大压力啊！导演话得就得喇，但系自己就觉得可以好啲，头先叫做『做咗动作』罗，比多啲时间我排练，可以向歌舞戏呢个目标出发。」

Edan、Anson Lo、Stanley虽然精于跳舞，但NG次数竟比同场的练美娟（娟姐）和徐㴓乔（Asha）多，Edan认叻话自己表现比队友佳，但反被Anson Lo指责「计较」：「跳舞呢样嘢，我一向都好敬重Edan，所以输比边个都冇咩所谓，都唔知Edan比较嚟做乜，呢个世界真系太多竞争啦。」Edan亦不甘示弱话教对方两招跳好啲。Stanley就话呢日演员齐集，但几乎不认得黄德斌：「因为佢剃咗须，真系怪怪地，成个人后生晒又靓仔咗。其实今日大家见面有点怕丑，要啲时间Warm Up，好快就返翻去拍剧个气氛。」