重提大18年初恋男友高志森 焦媛直认「恋父狂」

现年45岁的舞台剧演员焦媛去年爆喊承认跟高志森分手一年多，结束长达21年的「父女恋」。焦媛近日接受梁泰来主持的商台《1圈圈星光背后》访问，重提这段恋情时，直认自己是「恋父狂」！

焦媛跟高志森年龄相差18岁，当年焦媛就读香港演艺学院，因参与学校音乐剧演出认识高志森，并获对方邀请组成剧团，其后二人堕入爱河，高志森更是她的初恋。当时焦媛被指靠高志森上位，受尽冷言冷言，但她仍捱得过：「回头谂番觉得要畀个Like自己，嗰阵时竟然顶得顺，因为真系好难受，喺团入面你好似被孤立咗，例如幕后同某啲演员都会对你有一啲睇法，不过我唔怪（责），因为人系咁，呢种孤立变咗力量，令你更专注同更加努力令件事做得更好。」

24岁的她承认跟男方拍拖，但高志森却迟迟未公开宣布已离婚，焦媛一度背上第三者之名，她坦言对感情一意孤行：「我以前细个好锺意睇琼瑶嗰啲小说，希望有个高高瘦瘦……同埋因为我爸爸系高高瘦瘦，所以成日都幻想将来嘅男朋友同伴侣系高高瘦瘦。」她坦言欣赏高志森「叻」，她说：「我真心觉得佢系叻，可能爸爸嘅关系，熟悉我嘅人都觉得我系恋父狂，锺意啲比较成熟同叻啲嘅人。」


焦媛坦言拍拖以来，二人从未真正面对婚姻这个话题。对于「第三者」污名，焦媛表示没有无感到难受：「当我选定咗个目标，我会义无反顾一路行，你仲可以继续行落去嘅时候。（有搞清楚对方嘅婚姻，你先同佢开始？）当然啦！」