【独家】《美少女》主持最想同阿Dee做荧幕情侣　32C罗堃尉靠自己拒赚7位数快钱

拥32C丰满上围的罗堃尉（Karen）近年由模界踩入电视圈，拍过TVB节目《美女厨房》及香港开电视的《美少女日本民宿》等，入行约8年的她直言恨于戏剧方面发展，「一路都想试吓演戏，好多人觉得做Model系一个花瓶，工作好简单、笑吓就OK，其实做Model都唔容易，我都想突破自己，试多啲未试过嘅嘢。」自知不足的Karen稍后会报读戏剧班进修演技，希望将来能跟ERROR成员阿Dee（何启华）做荧幕情侣，就算牺牲色相扮丑也不介意。撰文：黎宝伦　摄影：张咏森　服装：@instanamigirl

即将29+1，罗堃尉目标向演员路进发，问可会性感一搏？她认为具备实力及内涵才行得长远，「可能第一刻Draw到人哋Attension，但如果停喺嗰个位冇进修，好易就有其他新女仔盖过你。我觉得健康性感OK，但内在有实质嘅嘢先更吸引到人留意。（抗拒拍牀戏？）要睇吓剧本同角色发挥。」曾演出电影《赌城风云III》和《寒战2》的Karen自问经验不多，但胜在感情丰富，仲好易喊得出，并最想拍爱情片，心愿系跟ERROR成员阿Dee和193（郭嘉骏）合作，亦非常乐意将荧幕初吻献畀佢哋。Karen笑言二选一就拣阿Dee，「因为佢暂时冇幕前Couple。」但问到对方是否她杯茶，Karen即笑说锺意高嘅男仔。

投资六位数卖彩钻
提到早前于《美少女日本民宿》中，喊住讲在港置业好困难，Karen坦言，「之前有睇吓楼，但发觉都唔容易，新楼都比较贵、尺数又细，所以搁置咗，因为自己都未储够钱入场。」以一房或两房单位为目标的她，表示会再努力工作赚钱，近日又投资6位数，跟友人合资在网上卖彩钻。不时于社交网Inbox被「问价」的Karen，又强调绝不考虑搵「快钱」助上车，「开过6位数又有，近7位数都有，但我冇动摇过。（宁嫁有钱人？）都冇谂住一定要嫁有钱人，但我会想搵到一个自己锺意、夹得嚟又锡我嘅人，目前仲寻觅紧。」