【嫁入豪门好自由】离婚因性格不合 黎瑞恩谈女儿感动落泪

黎瑞恩（小恩子）作客黎芷珊主持的《单对单》节目最后一集昨（17日）晚播出，予人感觉乐观开朗的小恩子，先后带芷珊到山上玩滑翔伞及到西贡买海鲜兼体验野外烧烤。自小便梦想自己可以飞上天的芷珊，对于愿望成真大感兴奋，并感激小恩子助其实现梦想。
无所不谈的小恩子，被问到昔日豪门生活时笑言：「以前都系普通人咁咋，我唔可以成日畀一样嘢框住我自己，有时我锺意食鱼旦烧卖，咪去食咯。（啲人话豪门好多规矩要守？）我好自由喎，人哋话嫁入豪门深似海，要7点钟请安嗰啲，但我又冇喎。（有报道话你老爷锡你？）我做番我自己要做嘅嘢啫，孝顺父母做仔女系必须㗎嘛。」

谈到离婚，小恩子坦言当时很不开心：「坐坐吓会无啦啦喊，离婚时点都有啲觉得唔抵，但两公婆成日闹交，啲仔女见到都会唔开心。（当时婚姻已出现问题？）系，性格不合，佢又经常内地做嘢唔得闲。我自己性格又系，我唔信你时你讲乜我都会『银』你。」小恩子又指当时子女们都十分支持她，让她很安慰：「佢哋话妈咪唔紧要啦，你依家咪仲开心！」她指女儿年纪很小时已很懂事，说到一半更忍不住哽咽落泪：「我生完细佬，开完刀要返屋企休养，当时个女4岁，佢走埋嚟捉住我只手祈祷，希望神赐我健康，好感动！佢好老积㗎。」

小恩子透露最失意时，曾看过心理医生，但由于害怕食药，所以最后靠自己想通、以及好友们的帮忙走出阴霾。「要感激梅小惠同李国祥，喺我最唔开心时陪我倾偈：『谂吓前夫嘅成长系点，你要理解同原谅佢』，真系帮到手！但帮到手都要靠自己跳出嚟。」小恩子更指保持心境乐观，竟令肿瘤也消失：「我都觉得好神奇，初时我发现有事系我突然喺街度晕咗，送入医院后发现原来胰脏个瘤令我血糖得番2。我问有冇办法，话冇药食㗎，唯一办法开心啲啦，通常呢啲病都系屈出嚟。」虽然经历不开心的婚姻，但小恩子依然渴望拍拖：「我仲好有嗰种少女心。」