【独家】首做舞台剧包晒台前幕后三餐汤水 黎瑞恩演蠢秘书对马浚伟改观

48岁黎瑞恩于8年前发现胰脏有两个良性瘤，医生当时跟她说除了做手术切除冇其它方法，并忠告她：「你以后开心啲嘞！」近日小恩子发烧兼肚痛入院，她以为时日无多，经检查后胰脏的两个瘤竟神奇消失。小恩子经已出院，心情靓爆的她好开心地继续投入舞台剧《男人40 CEO》的彩排。采访：方骞平

因为受疫情影响，由马浚伟投资、编、监、导加主演嘅舞台剧《男人40 CEO》由去年9月公演，顺延至6月11日至6月26日于香港艺术中心上演10场。目前排练得如火如荼。第一次做舞台剧的小恩子演一个冇乜脑的私人秘书「朱玉珍」遇上寸嘴mean爆CEO的故事。马仔话角色非小恩子莫属，因为现实中的她是一个冇机心嘅人。

邀请三次先答应
到底马仔点样去打动小恩子献出第一次？他笑说：「其实早喺《偶然徐志摩》时，我都问过佢有冇兴趣玩？佢即耍手话『梗系冇啦！激死你都似，我唔记得嘢㗎！』当时我心谂，佢真系黐黐哋(线)喎！今次系我第3次邀请佢演出，解释除咗个剧啱佢外，仲想帮到同业有工开，最后感动到佢，仲拍心口话由排戏到演出，所有食饭、零食由佢包起，甚至会提供埋汤水畀台前幕后。」

小恩子笑指马仔的确烦咗佢好多次，她坦承：「其实之前我听过马仔唔少坏话，而佢有直接同我解画，解释『呢个世界做乜都会畀人话唔好，去到戏剧圈子更复杂，每次同50至100人开工，总有人服你，有人唔服你。』不过经过今次合作，我对佢改观咗，因为佢个人好有心，冇扮嘢，仲好体贴。」