【独家】《刑侦》同王敏奕齐爱王浩信 黄智雯现实绝不能分享男人
2021-07-20 00:01 
黄智雯最近在《刑侦日记》饰演女拆弹专家「游雁星」（Madam星），要穿着重达80磅的仿真防弹衣演戏是一大挑战，她为准备角色令身形变fit，开心这转变会努力keep住；而跟王敏奕各自爱上多重人格的王浩信，反而觉得好浪漫，不过现实生活就绝对不能跟其他女人分享同一个男人。撰文：杜淑霞 摄影：谭壹致 服装：Iris&Ink from The Outnet
智雯认为着仿真防爆衣演出是今次最大挑战，「因为要防爆防子弹又有手套同头盔，full gear差唔多80几磅，所以每次都好似上战场咁样，要好多工作人员帮手先可以着到件衫。」她更怀疑自己有少少幽闭恐惧症，「戴住头盔净番对眼，我系好惊，一遮个面罩我就好紧张，好似呼吸唔到咁样，真系睇唔到嘢，唔够30秒我就要攞番开，要慢慢习惯。」
为角色健身变fit
为了应付角色大量体力，智雯开拍前几个月开始健身，令身型fit了，「唔可以一个空壳行入个剧，除咗体力之外，令到自己睇出嚟有个角色感觉，要投入到『游雁星』的确系有啲难度，着住防爆衣都保持到灵活性。除咗健身仲有控制饮食，夜晚嗰餐食少啲淀粉质，朝早食多啲蛋白质，就算𠵱家拍紧剧，冇时间去做健身，都会喺屋企做，疫情关系都养成喺屋企做健身习惯，开工前点都做一个钟等自己出吓汗，磅数唔系差好远，着裤最明显，条腰都有差咗两三寸，一星期又会有一两日食斋，最紧要精神，瞓得同食得健康。」
讲到剧中跟王敏奕同时爱上人格分裂的王浩信，虽然智雯觉得好浪漫，但现实中绝对接受不到，「编剧讲时我哋都有质疑，会唔会两个女仔分享一个躯体，当剧本出咗睇晒剧情各自投入里面就冇质疑，原来都会好浪漫。（现实接受到？）我谂唔可以，我都做过人格分裂角色，佢哋有唔同性格，唔同特徵喺同一个body，但如果我嘅另一半有呢个人格分裂，我会包容埋佢其他人格，因为都系一个人，有时可能系阿妈、姐姐去take care佢，我接受佢就会包容晒呢啲。（但唔可以包容到同人分享？）我再大方都唔得，除非唔认真对待呢段感情，好想一齐甚至结婚都应该唔可以share。」
最新回应