【独家】送给父亲《约定香奈儿》终公演 焦媛首度负责编舞

焦媛亲自编写送给逝世父亲的音乐剧《约定香奈儿》，去年因疫情彩排完也被迫停演，终在下月13及14日在屯门大会堂正式公演。焦媛坦言经过一年沉淀对爸爸思念的感受已有所不同，所以不但剧本有所修改，还亲自执导及首度负责编舞。疫情下，她又趁机开设个人频道「Chillchiu」完成另一个梦想。撰文：杜淑霞 摄影：谭壹致 场地：FWD House 1881富卫1881公馆

焦媛10年前曾创作舞台剧《容易受伤的女人》纪念逝世多年的父亲，去年再亲自编写音乐剧《约定香奈儿》送给爸爸，她形容是个自虐自疗过程，每日写剧本回忆起爸爸就喊几次。去年初因疫情被迫停演，现终能搬上舞台，她坦言心情已大不同，整个剧亦有所调整，「基本上系由零嚟过，自己参与部份仲多咗，2020年1月时有导演有编舞，今次我觉得要自己全部做晒，导演外连编舞都系第一次尝试，剧本同上次都有好多改咗。今次有个藉口畀自己编舞，因为系讲紧我同我爸爸之间故事，冇人可以了解，只有自己最了解。自己编舞同有排舞老师真系有唔同，我成日话你唔系读嗰瓣令到自己仲多可能性，唔识就会纯粹感情去表达，反而仲好玩。」

疫情下开个人频道


这个转变只因焦媛对父亲的看法跟去年已有分别，她上年讲到父亲会忍不住喊，今次只是眼湿湿，「最大唔同系轻咗啲，我对佢嘅思念，冇旧年咁沉重，以前对佢嘅爱同思念，系一讲就会喊，𠵱家都会嘅，但系个程度转变咗，以前我唔觉得要将佢安顿喺我心入面一个位置，我好想佢出现返，过咗年几后，我唔可以死守苦缠住要求佢返嚟，我要将佢放下，放下唔代表忘记佢，要将佢摆喺我心入面，佢有个好特别嘅位置安顿好。」她又笑言对爸爸较偏心，但已有计划将描述母亲的故事拍成短片送给妈妈。



以往舞台演出排到密麻麻的焦媛，在疫情下亦有新转变，更开了个人频道「Chillchiu」，「当然愈多人睇愈开心，但呢个唔系我最首要目标，真系想实现自己心入面少少梦想，就系拍嘢，但系我会缩到最后，我唔系被访者，反而会喺镜头后面多啲。」