年底喜迎第二胎 黎诺懿卖关子唔讲仔定女

黎诺懿暖爸形象深入民心，太太更曾称赞他为神队友。诺懿在电台节目内剖白，提起五亿驸马的称号，他继续一笑置之：「系，佢（太太）家底好，拍拖嗰时去茶餐厅食饭，又话佢纡尊降贵，又话要佢坐我架烂车，其实我架车系唔贵，不过唔喺烂，我哋住嗰间村屋都唔系破屋。大家睇啦话我食软饭，唔紧要都系我食，你哋唔需要咁劳气。我冇压力，太太系觉得我可以付托终身先拣我嫁我。」他承认身家短期内没可能追及女家，「其实时间可以证实一切，我哋结婚快7年，如果真系唔使做，好舒服，我上咗岸啦！你见到我由早做到夜，连饭都煮埋，其实我希望用自己嘅努力养活自己屋企人，事业上继续创出一片天！ 」
年底将喜迎第二胎，诺懿却自认是紧张大师：「其实我对个仔有啲内疚，佢玩波波池惹到珍珠疣，手仔传染到面仔，依家面上有一粒印仔，我每次见到佢嗰粒印仔，心里面好唔舒服，如果可以早啲处理应该冇事，太太劝我个仔大个咗可以去做激光，我就系一个紧张大师爸爸。12月再做爸爸，究竟BB系男系女？畀我卖个关子，不过我谂都同上次一样，我唔敢剪脐带……」。