老师拧转背囝囝即笑对方肥 黎诺懿呻教坏「小春鸡」养成驳嘴性格

黎诺懿到电台接受访问，支持好友朱汇林开咪，主题是「人生最成功和最猪的事」。诺懿笑言：「我系成功人士，人生冇发生过猪事！虽然有人觉得生仔好蠢，但我觉得系最开心嘅事。」因疫情关系，他和4岁囝囝峰睿（小春鸡）日对夜对，诺懿扬言：「好想拍剧呀，可以离开屋企！」

不过一谈到要同小春鸡齐隔离，诺懿即刻拒绝，「如果要连续14日，每日24小时对住佢，我一定会死！」他指囝囝已开始驳嘴，试过被老师轻轻责骂，竟趁老师转身后说「You are so fat（你很胖）」。诺懿认为囝囝的古灵精怪是遗传自他，不过老婆李洁莹就叫他要教好个仔。

诺懿说：「我最后同个仔讲『下次要等老师行远啲先讲』，小朋友太乖会失去童真。以前我都会叫伊健做长毛飞，而家囝囝好精灵，但可能我教得太好，有时都似古惑仔。老婆有时话我哋嘅时候，佢会话『我笑咋嘛，又无讲嘢』，所以我都系时候检讨自己教育方法。」他又指小春鸡经常赞人靓，因为是4岁人仔把口讲出嚟，好多朋友都觉得好得意，搵囝囝多过搵自己。