吴君如赞苏桦伟母亲是好妈妈 感染自己重新考虑与女儿相处方式

吴君如监制和主演的《妈妈的神奇小子》将于下月12日正式上映，电影是根据前残奥金牌得主苏桦伟的故事作真人真事改编，昨日君如在社交平台贴了数段短片兼与女儿的合照，撰文大赞苏妈妈是一个好妈妈，在倾谈过程，自己都有所得着，她说：「饰演一个人物，真系需要对佢有好深嘅理解，所以喺拍摄呢部戏嘅时候，我深深咁认识咗一个「好阿妈」。 拍戏前期同佢倾咗好几次偈，分析咗佢做人嘅态度，而我从中亦获得做一个『好阿妈』嘅新睇法。」

君如续说：「我发现佢同伟仔嘅关系好似朋友咁，佢哋之间嗰份『友谊』好感染到我去重新考虑我点样同个女相处。我希望佢呢个神奇妈妈嘅威力 唔止影响到我一个人。最好就系每个睇过呢套戏嘅父母，都会俾佢嘅坚持同佢永不放弃嘅精神激励到。 喺个戏院行返出嚟，更加体会到身为父母对孩子成长嘅威力。」

君如女儿陈是知今次有份客串演出，她曾经在访问上提过与女儿的关系似朋友：「如果次次恶过她会唔听你讲，同埋唔好讲三次重复，唔好依依哦哦。我都叫她有乜唔开心要同我讲，唔好自己解决。但她不算反叛，同我关系好亲密。」