【独家】《大叔》带挈首为动画配音 Edan下期出粮六位数畀晒妈咪

虽然《大叔的爱》已播毕，但馀温仍然厉害，Edan（吕爵安）和Anson Lo(卢瀚霆)的「牧田CP」获不少品牌垂青，「田田」除拍贺岁片，更拍住陈欣妍首次为动画《反转方舟动物团》配音。Edan单喺今年上半年已因多方面接Job进帐6位数，更暂时赢Ian(陈卓贤)少少成为MIRROR「吸金王」季军，仅次姜涛及Anson Lo。据知，Edan身价仲三级跳，广告价已飈升到20万！采访：方骞平 摄影：谭壹致

「牧田CP」深受欢迎，吕爵安希望挟住人气吸引观众入场睇他首套声演的动画《反转方舟动物团》，片中Edan声演10岁的贪玩长鼻兽菲尼，而陈欣妍(Shirley)就声演黑面狐莉亚。

多懒音奇怪有得配音

最初听到接咗配音job，Edan坦言好奇怪：「我出名多懒音，讲嘢又螺脷，追问花姐有冇听错，系咪玩我呀？不过，做咗先啦！咪当作挑战、尝试同埋学习机会，最怕问多几句唔要我。所以都有压力怕会录好耐，好彩有专业配音员督导，用咗两日时间顺利搞掂。」Shirley同样系初试啼声，她大赞Edan配得好生动鬼马，反而她愈录愈起劲时控制唔到手脚，而且keep住同一声线都有啲难度。Shirley对Edan赞不绝口：「片中Edan既善良又勇敢，而且好有义气，我都觉得有啲似佢，佢个人好乐观，带畀大家好多正能量，而且好有喜感，有幽默感嘅男仔唔会闷亲人，随时令到大家开心，呢啲男仔会加分！」

感恩多机会觉得奇迹

凭《大叔的爱》爆红嘅「田田」的广告价由10万升至20万，知情人士爆料指Edan去年未爆红时广告价只收5万，一年酬劳三级跳。有「田田」加持，Edan更险胜Ian成为MIRROR「吸金王」季军。对此，24岁Edan冇否认，仲答得非常坦白：「希望系啦！我唔知佢哋(搵)几多。不过都好感恩有咁多机会，最初都冇谂过会咁，只系想喺25岁做到啲成绩出嚟，因为好多嘢冇得控制。我觉得一切系奇迹嚟，运气同实力，运气系占大多数，但运气唔可以用一世，𠵱家努力提升实力。」语毕他抵死说：「我同AL『出巡』惹嚟哄动，只系因为有剧集加持，啲人好奇睇吓我哋乜料啫！」

记者追问一直恨送楼畀家人住嘅Edan，够钱置业未？他即耍手话未够：「边得咁易(买楼)呀…好耐先出一次粮，下期出粮应该ok，好过以前嘅5位数，应该突破有6位数字收入(扣除成本及公司拆佣)，我会畀晒阿妈做储蓄。」