自爆朋友为名牌手袋出卖自己险轮奸 邵音音：我唔会再信朋友

邵音音早前接受张宝华YouTube频道的访问，音音姐娱乐圈打滚多年，一直被视为传奇女子，在访问上提到过往拍摄风月片、受骗、毁容等人生经历。属「义气女」的音音姐，年青时为了一位女歌手朋友出钱又出力，没想到对方竟为了一个名牌手袋而出卖自己，音音姐说：「嗰阵我哋5个人食饭，佢哋灌醉咗我之后，带咗我去开房，隐约间听到有话：『真系做唔出，佢真系好无辜，我真系唔忍心！』其他嗰两个人听到之后，都放弃咗，嗰阵我一直系咁喊，觉得好痛心，点解个女朋友会咁样我？」点知返到香港后，有不少娱乐杂志报道她在当地「卖肉」：「我当时真系好痛苦，背后做呢啲事嘅人，全部都系我好信任嘅朋友。」邵音音不讳言只能怪自己容易信人：「佢有同我讲对唔住，不过我而家释怀咗，人哋都系为咗生存啫。」

邵音音亦谈到第一套风月片：「嗰阵佢讲得好好听，话只系拍到背面，镜头系睇唔到，点知上映嘅画面系另一回事，怪自己知识唔够，人同人嘅交往又唔够，经验系攞到痛嘅教训。」后来一脱不能回头，为了生计再接拍了几部风月片后，就结婚嫁人，但原来连婚姻都是一场赌博，丈夫目的同朋友打赌而娶她，「我冇爱情，我除过衫，唔会有人想同我有爱情，家底好啲都唔会娶我，点会娶一个买几蚊Video就睇到佢全部嘅人，边个家族会接受娶呢啲老婆？风月片嘅打击真系好大，系我毁咗自己，但系冇谂过而家会再红，我觉得上天对我不薄。」

邵音音形容美貌害了她的人生，当时只会想点样可以不再行衰运，已经不会再理自己的外貌，现时是人生最开心、最舒坦的日子，她说：「我唔再信人，亦唔需要朋友，我有家人就够。感谢我仔女原谅我，佢哋由细到大都离唔开『妈妈系肉弹邵音音』呢句说话，我好对唔住佢哋，佢哋冇得选择父母，但佢哋喺咁多是非之中仍然选择孝顺我。」