【签亚视】出动梳化服搣走大妈look 薛影仪被改造成为「气质女神」

2021-07-31 11:30

37岁黄花闺女薛影仪虽然落选今年嘅《亚洲小姐竞选2021》香港赛区，但网民唔使嗌失望住，因为阿仪挟住惊为天人嘅三点式泳衣Look，以「气质佳丽」姿态杀入娱乐圈，率先签约成为亚视艺人，昨天亚视仲出动梳、化、服嚟帮佢进行大改造，然后安排她去摄影房摆甫士影相。所见，阿仪只系化咗个浓妆，由内至外未见有大执。身穿啡色线衫衬白色阔身长裤及踼白胶拖嘅阿仪大妈味甚浓，仲因为「买错胸围戴错bra」搞到上围下垂。阿仪喺镜头前叉腰、托腮、转身大摆甫士，影得相当投入，不过，木口木面，表现生硬。

亚视安排亚姐林宝玉冲入摄影房做直击访问。林宝玉忍住笑问阿仪，对于第一次改善形象冇乜感受？阿仪用慢三拍回应：「做得好好呀...件衫都靓呀！」她又话好习惯面对镜嘅，可能自己够大胆！所以唔惊罗！亦冇学过摆甫士。至于问到点解想做艺人？她又再眼仔碌碌，迟钝答：「因为未试过呢啲经验！」

而网民唔太like亚视改造阿仪，留言：「啲观众其实系想睇佢最真果面，点解要执走佢呢？」亦有好爆话：「点解唔帮佢预备个好啲嘅胸围呢？有个好啲嘅胸围承托，佢嘅身型(形)就会有改善，之后帮佢执下棚牙，再学习谈吐技巧及训练佢反应快少少，基本上都唔错！」也有人睇唔过眼网民留言：「好心咪玩人地，真系惨！」当然有网民赞阿仪勇气爆灯！