【独家】吴卓羲甘心做贴身保镳 刘心悠演Man爆女工好惊要爆粗

由吴卓羲（Ron）、刘心悠及廖启智主演的电影《女人街，再见了》已是4年前的作品，Ron视心悠为女神，赞她靓之馀性格亦非常吸引，拍戏期间会不自觉望向她，搞到被导演投诉：「可唔可以望返镜头？」Ron见心悠腿部受伤更怜香惜玉，请缨做贴身保镳，心悠坦言好感动。采访：方骞平 摄影：梁志明 化妆：Marsha Ma（Ron）、Annie G Chou （心悠）发型：Kenny Yeung（Ron）、Eric Chow@XENTER（心悠）服装：Club Monaco HK 场地：The Wave

刘心悠与吴卓羲在电影中分别饰演搬运工人与蛊惑仔，开工第一日试第一个镜头，作为马拉松好手嘅刘心悠因为未拉筋，被Ron拖住喺女人街丧跑时腿部受伤。眼见搞到女神受了伤，Ron极唔好意思，所以主动摊开双手扮工作人员帮她护驾，挡开剧组以外嘅人埋女神身。他笑说：「啲人一定会埋怨我阻住晒好麻烦！」心悠对Ron咁贴心照顾大受感动，连忙解释受伤唔关Ron事，只怪自己老猫烧须，准备功夫唔够。而Ron因为合作将女神私有化，可以拖手兼𥄫实她，真系开心死！

导演拒绝纹身好失望
虽然负伤上阵，但演「港版罗拉」(搬运女工)对心悠来说唔算大挑战，美中不足系准备时间有限操得唔够大只：「片中我要揸小型货车同埋用唧车，言行举止比较man，原先向导演提出加插食烟及纹身，点知导演话冇必要，我都有啲失望㗎！」心悠惟一唔想爆粗，明白自己讲话唔够地道，怕只会变成反效果，惹人发笑。