【独家】筹备个人骚忙得开心 黄妍望入场歌迷能抒发情绪
2021-08-05 19:22 
黄妍（Cath）最近有不少新动作，除了有新歌《轻盈》，又相隔两年推出专辑《九道痕迹》，还有将于本月27日举行第二个个人骚《黄妍Cath Wong 2021音乐会》。Cath近期为了宣传和做准备很忙，但忙得开心，因疫情下能开骚机会实在难得，她更希望大家能像她早前看莫文蔚演唱会时一样，尽量抒发抑压的情绪，就算喊到抽搐亦不紧要。撰文：杜淑霞 摄影：谭壹致 发型：Alan So@the attic 化妆：Jessica Chan 服装：Dorothy Lau @ GTDL Creative
新歌《轻盈》是Cath送给逆境下的大家，「个世界好沉重，好多嘢唔系好轻易解决到，有好多方法应对呢啲困境，你可以选择同佢一齐消极，但我唔会，呢个唔系我性格，我会选择轻盈啲自在啲嘅态度去应对。」而专辑《九道痕迹》她会形容是另一个她，「呢只碟系将我唔同面向放咗入去，所有嘢系好切身，每首歌某程度上系用我生活发生嘅事去写，而文字对我嚟讲好重要，因为我有每天写日记习惯，已经写咗5年，我就搵番边篇可以for边首歌，所以呢度（专辑）会有10篇，讲番我创作灵感来源，好似《刮骨》系写个friend失恋故事，我都有放番嗰篇日记落去。」
一生以音乐为伴
有过19年举行《黄妍说音乐会》经验，Cath想好好享受这次音乐会跟歌迷的聚会，所以专登提早做准备，而且在疫下能够开骚更加要珍惜。开骚难睇骚亦难，所以当Cath做观众时亦忍不住情绪决提，「最近睇莫文蔚个骚我睇咗两场，都喊到癫咗，我唔知点解我会喊到抽搐，我系同Phil（林奕匡）一齐坐，佢仲拍我话『唔好咁啦你！』」Cath都期望入场看她音乐会的歌迷，都可以好像她一样尽情释放情绪，「如果大家入嚟睇想喊就喊啦！我觉得系一个情绪嘅出口，喊虽然好似好丑怪，但系唔使觉得丑怪，因为又冇伤害到人，你觉得舒服咗就得，喊到都好，变麻木就好恐布。」既然Cath这样欣赏莫文蔚，会否也想到那个年纪依然玩音乐，「我希望系，我𠵱家生活绝大部份时间都系同音乐有关，我就一路做睇行到几远就几远，但呢个世界有好多嘢都话唔埋。」
最新回应