林芊妤感激老公令她学懂保护自己：囝囝学晒我一定唔得

林芊妤（Coffee）日前为好友陈敏之的YouTube频道担任嘉宾，自从离开TVB后，Coffee开创瑜伽事业，成为首屈一指的人气YouTuber，重提旧事，Coffee说：「嗰阵公司叫我解约走，嗰刻我系好唔想走，觉得只不过系一次意外，我都唔想发生，之后有好多人同我讲，嗰件事（残厠Gathering）帮咗我，我觉得啲人咁讲好傻，唔系嗰件事帮我，系瑜伽帮咗我，系之后行嘅路帮咗我先真。」在人生最低谷时，Coffee想过轻生：「好难捱，谂过轻生，会唔会食多几粒安眠就咁瞓咗就算？但系最后谂咗，觉得要承认自己做过嘅事，接受自己，唔好太过在意别人对自己的评价，因在别人眼中你只系茶馀饭后话题！」

Coffee续称：「以前我以为流言止于智者，但老公令我明白，有时啲嘢要自己出声捍卫！有一次我同老公搭的士，我戴咗口罩……司机自言自语话『好似Coffee咁罗！你睇佢一件咁嘅事就红到咁』，落车后，老公问我点解唔反驳，佢嬲嘅系我唔识保护自己，而重点系，保护唔到自己又点保护到个仔？我当时即刻想喊，我咁软弱，将来囝囝学晒我，畀人打畀人闹都唔敢出声，咁一定唔得！我终明白有啲嘢要自己讲出口，胜过人哋讲一百句！」