买千万新楼要拆卸重建 岑洁仪否认苦主：有6位数字赔偿

两子之母岑洁仪（Zoey）昨晚应黄婉曼（Icy）邀请到购物平台做直播访问。Zoey被大马富商老公锡到燶，Icy即大爆这位富贵人妻最爱买「砖头」，不时留意豪宅楼盘，准备随时入巿。投资方面，她自问最渣是买股票，「我系买亲股票都蚀，抽新股都会输嘅人。」有见及此索性有钱专买新楼。

Zoey坦言有铺睇楼瘾：「我嗜好系睇楼，冇嘢做会call啲经纪睇楼，平日又锺意睇地产新闻。」Zoey表示当年储够首期上车，因为省吃俭用，才成功「上车」。有报道指Zoey今年6月中抽中可买大围新盘柏傲庄III一个约500尺单位，她即斥资千万入巿，可是发展商在约一周后发现两座物业出现结构问题，必须拆卸重建，Zoey顿成「苦主」，她说：「个个都戥我唔开心，不过我又冇乜嘢，发展商有畀番赔偿，只系延迟9个月交楼，咁我层楼都唔系买嚟自住，用嚟投资，谂住买嚟放租，而家有6位数字赔偿，层楼变相平咗，反过嚟睇都唔差啫，我唔算苦主呀！」

Icy和Zoey在访问期间也有交流栽培小孩心得，近日奥运热潮未减，香港代表选手不停有好成绩为港增光，尤其花剑金牌得主张家朗为港摘得首面金牌，令剑击运动备受关注。Zoey日前也在facebook分享了6岁长子Damian学剑击相片，她说：「最初畀囝囝学呢项运动，纯因为见到偶像王嘉尔玩剑击好叻，咁啱有朋友开咗剑击学校，我就畀囝囝去玩吓，老师赞佢有天份，呢项运动除咗考专注力，亦要训练佢哋判断能力，出剑都讲求速度，男仔从少训练，长大就更有承担，将来大个入社会会行得容易好多。」