【独家】《不Chok》女想拍剧做贱女人 32B温颖琦心仪Alton拍牀戏𦧲饭应
2021-08-06 21:15 
宇宙天团ERROR的多女MV《我们不Chok》上架不足1个月，已累积超过72万Views，MV中邀得ViuTV节目《最后一届口罩小姐》5位参赛者演出，尾声站在阿Dee身旁的养眼Deep V女，正是肥仔Team、外号为「服务员」的温颖琦（Ollie）！拥32B的人气直播主Ollie样靓声甜，男神是「MIRROR遗珠」Alton(王智德)，她开到口想跟对方拍剧做对欢喜冤家，再问会否想跟Alton更进一步拍牀戏时，仲即High爆𦧲饭应：「OKOK！嚟呀嚟呀！」饥渴样出晒嚟！撰文：黎宝伦 摄影：张咏森
身形娇小的温颖琦将于9月在《培生擂台：无敌杯We Are Champs》，对战好姊妹、选美真人骚《造美人》的Kathy（张育玲），她笑称会将平日的恩怨情仇搬上擂台，「我唔系为奖金，系为荣耀，帮大家打扁Kathy，哈哈！」此拳赛由百亿富三代锺培生主办，笑问会否盼钓金龟？Ollie即笑指对方并非佢杯茶，有钱也不是择偶首要条件：「完全冇谂过！（对佢冇兴趣？）可以咁讲，我系要讲感觉，同埋我有特别癖好，好锺意啲好瘦、『吸毒样』嘅男仔，即系颧骨好高、块面凹凹哋。（车保罗？）唔系，哈哈，我锺意KLAU（刘瑞祈）嗰啲样。」对于锺培生自爆性欲强，试过18日内性交50多次，可会因需求大而却步？她说：「太辛苦喇。佢性格过份自信，唔系我Type罗，我锺意内敛嘅男仔。」
想做贱女人
17LIVE主播出身、曾拍过《转机 ON AIR》的Ollie深知歌手梦难圆，她直言也恨拍剧，以另一方式去演绎艺术和表达情感，「我想演同自己性格完全唔同嘅角色，例如好Bitchy、好贱，即系喺你面前好关心你，喺你背后就讲你是非、跣你，宫廷剧勾心斗角咁，好想做嗰啲嘴脸。」那么想跟ERROR再合作吗？Ollie却一脸勉强地笑道：「可以合作吓嘅……但都好想试吓其他人，例如MIRROR啦，其实我几锺意Alton，好得意呀！佢感觉好内敛、怕丑，但其实好搞笑，Edan（吕爵安）我都锺意，佢喺《全民造星》总决赛拉小提琴好令人眼前一亮。」
最新回应