罗敏庄重拾学唱歌及弹钢琴兴趣 深信练习可以改善很多事

罗敏庄(Mimi)早前宣布将于九月四、五日在九展汇星Star Hall举行演唱会，连日来她除了为演唱会进行筹备工作外，亦频频进行宣传活动，日前为TVB娱乐新闻台节目《StarTalk》接受主播许文轩(Edmond)专访，大谈相隔九年再举行大型售票演唱会感受。Mimi对于开实体骚大表兴奋，她说：「疫情关系停咗好多骚，冇晒表演，完全见唔到观众，好感恩有机会可以实体见到观众。其实自己一唱Live Band，听到琴声、鼓声、结他声就会兴奋，我觉得唱歌系留喺我入面嘅血，可以拎起支咪唱歌就会开心，而且自己都饿咗好耐，好想快啲亲身感受下观众嘅掌声、欢呼声。」

疫情下，Mimi重新跟老师学唱歌及弹钢琴，意外地令她重拾兴趣：「趁多咗嘅时间增值，依家学番钢琴同细个完全唔同，一弹叫我走都好难。我觉得自己好叻，一把年纪，学咗唔够一年老师话可以弹四级嘅嘢！我相信只要努力就得，因为练习可以改善好多嘢！」Mimi对上一次开骚，已经是9年前的事，当时女儿仍在Mimi的肚中，谈到今次会否让女儿上台一展歌喉时，她说：「囡囡大个咗，开始进入发育，怕羞尴尬嘅年纪，冇得迫佢上台！有时好似同佢合照后，佢会叫我唔好放上社交平台，话唔想畀人见到佢，会好尴尬！佢音乐有天份，拍子、音准OK，有时我唱歌佢会话我个音好似走走地！」