美国队长贴引体上升片贺寿 「雷神」收仔女亲整蛋糕甜到漏

本周三(11日)系「雷神」Christopher Hemsworth嘅38岁牛一，生日前夕，美国队长Chris Evans已出片贺老友，片中嘅「雷神」用两个吊环做引体上升，佢好黐线，边做边倾偈，做做吓仲要单手做，完全面不改容，之后仲有人掟咗个雷神之锤畀佢拎住嚟做，好搞笑。美国队长仲要连出三个Po，睇嚟两个真系好Friend。

老友就贴片贺寿，「雷神」家人就整蛋糕同佢庆祝，更强调系仔女整畀佢，寿星话成功吞咗75%，成肚都系甜到漏嘅喜悦。细心睇个蛋糕，有一个人型物体，应该系「雷神」嚟嘅，佢企喺好似海嘅物体，虽然成个蛋糕被风吹过咁，但心意搭够，生日快乐呀「雷神」。