好天斩埋落雨柴丨郭嘉骏搵到钱时尽量搵：可能听日就变咗吴亦凡

ERROR成员193(郭嘉骏)早前在IG story上载两对限量波鞋的照片，向网民徵求购买方法，殊不知被网上作者撰长文称「明星，唔系咁做的」并谓「艺人搲job见得多，搲鞋第一次见。」结果遭到网民反击，最后连193都现身留言：「你真系唔识㗎喎」

193今日出席活动，他指当时会发文是想找到买正版波鞋的方法，因为自己试过用炒价买波鞋却买了翻版：「我而家买到喇，只能讲唔系粉丝送，我系用咗成本价去买。（你之前说1个工作都可以买20对波鞋？）啱呀，但公司出粮一向慢，唔知身家有冇暴涨，相信公司帮我接工作嘅价钱系合理，我都有经营自己嘅品牌，用自己嘅方法赚钱，做呢行嘅寿命唔知有几长，可能听日就变咗吴亦凡，起伏好大，所以搵到钱时尽量搵。」又说有买楼的想法，更已经储到首期，但笑言只够买劏房，他指很开心和古仔再次合作，对方很提携后辈，给他很多意见，「古生有睇过我哋嘅节目，会话俾我哋知可以点样改善，点样继续发展落去。」讲到近日被卷入桃色新闻的队友保锜，他指对方心情Ok，稍后会一起出席公开活动。