肥仔懒理继续瞓 阿Dee变大口葫芦样娱人娱己

阿Dee被封「一哥何启华」唔系无道理，事关佢一举一动都好有喜感，就好似寻日(20日)，佢又喺IG嘅限时动态发短片，利用变脸app将自己嘅面部五官卡通化，继而摆出各种趣怪表情，再配合古怪声音，打嗝或呕吐，相当过瘾。

不但如此，阿Dee仲恶搞正在熟睡嘅肥仔梁业，将佢块面拉阔、眼睛变长，呢个变脸app搞到肥仔变得更加肥，而且面形似十足葫芦一样，上窄下阔，奇怪得嚟又好趣致。期间，肥仔曾经醒过，发现自己被整蛊，但好快又合埋眼继续瞓，唔知佢系被整蛊惯咗习以为常，还是真系攰到咁紧要？！