呢个老窦好有计 张震岳拎囝囝药水樽盖当Shot杯

张震岳跟老婆小涵交往近8年，2018年结婚9月做老窦，囝囝「小谷沐」就快3岁，阿岳日前出席活时透露想再生个女，不过再系仔都无所谓，仲话打算同老婆补办婚宴，事关家中长辈经常「提醒」佢，觉得有啲烦嘅佢决定年底会搞，场地选址台北。

另外，阿岳又提到预计今年内会推出新专辑，虽然工作好忙，但都会尽量陪囝囝，又主动讲起囝囝「小谷沐」，指他跟自己童年一样超级好动，语言能力发展亦较慢，但运动天份又好高，话咁快就学识玩滑板车。肯主动讲屋企，仲要讲咁多，都话做咗老窦人系会变。

经常喺IG Po同囝囝相处点滴嘅阿岳开心大发现，就系囝囝嘅药水樽盖原来可以当Shot杯饮Tequila Shot，佢将樽盖一字排开，每隔一个盖放片柠檬，评语系:「简直完美」。